Pancen kita kudu ngakoni
sejatine kita durung dadi bangsa kang becik
Isih akeh angkara
kang ndhedel duwel
kahanan kita
Isih akeh babad
bangsa meh karebut Dasa muka
kang pengen nyaploki duwen kita
Amid2 jabang bayi
Opo yo trimo
Opo yo gelem
Yen tingkah polahe
Bakal katulis karo mang si getih
Ing babad angkara
Jarene,
Bangsa kita makmur
Tegal sawah ra ana sing nganggur
Alas gunung kasile ora keukur
Bhumi samodrane kayane misuwur
Jarene,
Bangsa adhi luhung
pangertenan, pangelinge agung
Unggah-ungguh, tanpa disuwun
Wonge sabar, wani ngalah, seneng nulung
Nyatane,
kok akeh sing susah
kangge urip rekasane ra karuhan
ndhuwe dhuwen, mung ana neng impen
bisa mangan, wis bungahe ra karuhan
Nyatane,
saya akeh sing srakah
wis ra mikir kuwi dhek-e kawulane
jerit tangis, dhudu alangan
ngapek lan ngrayah
wis ngrasuk dadi gawan
Yen susah, yo susaho
pancen kaya ngene iki anane
yen nangis, yO nangisa
pancen kaya iki nyatane
yen wedi, yo wedio
pancen kaya ngene iki carane
yen glris, ya giriso
Pancen kaya ngene iki watake
